وهي أول تدوينة بالعامّي!

بأول تدوينة، ما رح احكي كتير، بس رح ئلكون أهلا وسهلا فيكون، وإن شاء الله بحاول قدم شي حلو ويعجبكون ضمن هالقسم. اخترت اسم القسم “بالعامّي!” لأنو ناوي كلشي تدوينات بدي اكتبها فيه تكون بالعامّي، هلأ يمكن اظلم عالم حبّوا يتابعوا شو عم اكتب بس أسلوب الكتابة ما فهموه، بس هيك طاجج براسي حالياً. في أقسام وأماكن تانية بكتب فيها بشكل رسمي ومفهوم للجميع، بإمكان أي حدا يتابعها كمان.

هلأ غالباً رح تكون تدويناتي اجتماعية ومن وحي هالمجتمع وهالحياة يلي عم نعيشها، وبعتقد أني رح اكتب كمان شوي عن أموري الشخصية، وكمان رح اكتب عن شغلي وطبيعتو، وبما أنّي من متابعين التكنلوجيا هالأيام، فكمان رح اكتب عن التكنلوجيا (الشي المهم والمفيد).

هاد كلشي عندي حالياً، وبإذن الله بشوفكون بشكل شبه يومي هون مع خربشات جديدة وأخبار مفيدة.
تحياتي لكل المتابعين :).

4 آراء على “وهي أول تدوينة بالعامّي!”

  1. لم افهم عليك شيء باللغه العاميه خليك على الفصحى ولا مانع من تحريك الجو ببعض التعابير والامثال العاميه—— تحياتي

  2. السلام عليكم
    أنصحك بالابتعاد عن الكلام بالعامي ( ابحث عن الشدة فلم اجدها )، واستمر في تقديم ما ينفع واثراء المحتوى العربي على الشبكة.

    وفقنا الله وإياك لكل خير أخي عمر.

    1. وعليكم السلام، أشكرك على نصيحتك، ولكن هذا القسم الصغير خصصته لتفريغ بعض أفكاري بالشكل الذي أفكر به تمامًا، وقد لا يفهمني الكثيرين عند الكتابة بهذا الأسلوب، إلا أنه يريحني في بعض الأحيان. وبالتأكيد سأحاول تقديم المفيد للمحتوى العربي دائمًا، ولن تشاهد الكثير من العامّية في الأيام القادمة.

      تحياتي لك.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *